هوش يا.............؟

الوقت لو يقسى علـي ماكسرنـي

حتى ولو اني تجرعـت الامـرار

لي كبريائي منخلق مـن قهرنـي

شوري براسي ماتسمعت الاشـوار

اما جبـرت الوقـت والا جبرنـي

والليل لظروف المخاليـق ستـار

راي البشر لاخطيت محدن عذرني

وان صبت قالولي توافيق واقـدار

وخويي اللي بالمواقـف خبرنـي

اطيح من كثر التعب بـس منهـار

ما عمر حظي بالمواقف حظرنـي

يصبح عدولي مع الوقت لا جـار

ماني ضعيـف لادعيتـه نهرنـي

أوقف بوجه ايامي السود باصـرار

وكم موقف لامر بـي أو عسرنـي

وأوكلـه للخالـق العالـي البـار

واليغتابني من في غيابي حقرنـي

أصير بعيـون الفهيميـن جبـار

والياحضره اللي صحيح يخبرنـي

يعطيه بعلـوم الرجاجيـل تذكـار

يطلع له من الله رفيـقٍ نصرنـي

ويسكت إليامنه سمع هوش ياحمارِ