  |
| الإهداءات |
| |||||||
| التسجيل | التعليمـــات | قائمة الأعضاء | التقويم | البحث | مشاركات اليوم | اجعل كافة الأقسام مقروءة |
| مـكـتـبـة الـقـصص والـروايـات قـصص وروايـات قـديـمـة وحـديـثـة. |
 |
| | LinkBack | أدوات الموضوع | انواع عرض الموضوع |
| |
| الإهداءات |
| |||||||
| التسجيل | التعليمـــات | قائمة الأعضاء | التقويم | البحث | مشاركات اليوم | اجعل كافة الأقسام مقروءة |
| مـكـتـبـة الـقـصص والـروايـات قـصص وروايـات قـديـمـة وحـديـثـة. |
|
| | LinkBack | أدوات الموضوع | انواع عرض الموضوع |
08-13-2011, 02:54 AM
| #21 (permalink) |
| :: مشرف المجلس الخاص للسويلمات ::    
|  يقول الشايب سلمكم الله : هذا وأنا بالصف الثالث متوسط أيامها كانت الاختبارات من الوزاره ويومها جميع الطلاب معطلين فقط الثالث متوسط ويقول كل إخواني أللي معي معطلين فقط أنا أداوم يقول وكنا ساكنين عشيش ( يعني صنادق ) كان علينا مادة أدب وكان آخر يوم جلست أراجع الأدب من زود الحرص وعساني نمت على كتابي والوالده الله يغفر لها ويرحمها نامت وما قعدت تصحيني كان مدير المدرسه يومها الاستاذ الفاضل / سعود مرعي ( الله يبيض وجهه كل ما حل طاريه رجل فاضل ) ولأن الأسئله من الوزاره يوجد مراقبين أيضا من الوزاره وبعد مضي نص ساعه ماجيت للإختبار يقول شايبنا قام مدير المدرسه وطلب من معلم توه جديد واسمه سلطان المضحي أيضا رجل فاضل ومربي جليل بالذهاب للبيت وإيقاضي من النوم بعدما سأل الطلاب عن مكان البيت طبعا البيت مو بعيد عن المدرسه جاء الاستاذ سلطان طبعا على رجليه لأن البيت موبعيد ودق الباب وصحت الوالده الله يرحمها ويغفر لها وقامت وصحتني ( يالله المدرس على الباب وأنت نايم راح عليك الاختبار ) قمت فزع وأخذت شماغي وحتى وجهي ما غسلته وركض على السياره وكان عندي سياره دادسون( 82 تعالو عاد إحسبو عمر الشايب حتى تتأكدوا إنه مو أنا) المهم وأشغل وأدعس وأخلي الاستاذ ورايه ما ركبته يصوت لي ما رديت عليه حتى جاء على رجليه للمدرسه يومها كادوا يحرمونني من الاختبار المراقبين لكن مدير المدرسه وقف معي ولله الحمد جبت بالماده 35/35 بمجموع 99/100 ذكرى لايمكن أنساها كما يقول الشايب |
|  |
|
08-14-2011, 06:21 AM
| #23 (permalink) |
| :: مشرف ملتقى الحوار الفكري ::  
| الله اكبر ابو مهند سلم لي على الشايب ما شاء الله عليه والله العظيم انه اعجبني الله يبارك له فيما بقي من عمره ويمتعنا بصحته وسوالفه مخ كمبيوتر الله يخلف على عيالنا خير اللي مسهلين لهم الاسئله ومعطينهم ملخص ومع ذلك الاسئلة من المدرس الذي يلمح لهم بالاسئله ومع ذلك يزفتون يارجال الشايب هذا عصره ذهبي وخير وبركه لا طول علينا ابو مهند ترى الشايب اكل علينا الجو |
|
| |
|
08-15-2011, 02:19 AM
| #25 (permalink) |
| :: مشرف المجلس الخاص للسويلمات ::
| عدنا ... هذا سلمكم الله يقول الشايب كنت جالس بالبيت إلا ولد عمي يقول : خوياك يبونك عند الباب يقول طلعت وإذا فلان وفلان عند الباب قالوا لي لك وإلا للذيب !!؟؟ قلت : يخسي الذيب لي وأنا خوك وش فيه قال : قلبنا !!! قلت أفا وش ذا الصواميل أللي بيدك قال : صواميل الكفر فكيتهن عى شأن أقول إنفلت الكفر وقلبت السياره طيب وشلون قلبت قال رحنا ندرس على خط الجديده وقعدنا نفحط شوي والأرض ممطوره وزحلطت السياره وقلبت والعفريته بالبدي بغت تكسر خشتي الحمدلله على السلامه طيب من هي له السياره قال سيارة أخوي والله ليذبحني ؟؟!! قلت طيب وش تبي الحين قال نروح نقعد السياره ونحاول نشغلها ونجيبها ونقول فلت الكفر وقلبنا قلت خلاص أبشر ونركب سيارتي ونطلع لخط الجديده وأذكر بالطريق ضحك وتعليق رغم المصيبه والخوف خويه أللي معه يعلق عليه يقول يوم طلعت من السياره أدوره إللي هو جالس يقرش بقله داخل كبينة السياره ههههه المهم من زين الحظ تعالوا شوفوا وش صار ... ....... يوم أقبلنا على السياره وإذا الدوريات سابقتنا عليها أحد البدوا جاء وشاف السياره مقلوبه والكتب مطشره ( إكتبها يالباسل بالقاموس البدوي مطشره) وبلغ الدوريات عن السياره المهم جينا ووقفنا نبي نشوف وش يقولوون ونتسمع أللي يقول بزران ويفحطون والي يقول شكل مابهم بلا مافيه إثر دم قال أحد الأفراد كلموا المستشفى جاهم أحد مصاب شي قال خويي صاحب السياره لا مافيهم شيء رد عليه الضابط تعرفهم ؟؟؟!!! قال لا والله ما أعرفهم !! هو قالها حنا فرطنا ضحك المهم شكوا بنا وغصب فلتنا ورحنا يم أخوه وعلمه... طبعا حصل له دقه طيبه |
|
| |
|
08-15-2011, 04:29 AM
| #26 (permalink) |
| :: مشرف ملتقى الحوار الفكري ::
| هههههههههههههههههه عز الله هالشايب موفق هذا كل حياته مواقف بس والله هالشايب به ذهانه وشلون طرت عليه يفك الصواميل بس القلبه لوحده تقلب راسك وتدوخ وتنقل هم هالشايب متفضي ما شاء الله عليه لا والزينه اللي ياكل والله قلوبهم بارده هذا يفك وهذا ياكل يحلوهم كني اشوفهم قدامي وجيههم مقبره وحالتهم حاله ذكرني ياابو مهند بايام اول يا جاء الاختبار اخذنا براد شاي وفرشه وطلعنا وكلا يمسك له جاده ومع اذان المغرب جايين الله ما اجملها من ايام الف شكر ياالمستشار متعتنا بسوالفك الطيبه العامرة |
|
| |
|
08-15-2011, 04:36 AM
| #27 (permalink) |
| :: مشرف المجلس الخاص للسويلمات ::
| أيه يالباسل والله نوب ما تدري إلا إنك واصل أسكان الجديده وأنت تمشي ما تدري عن حالك دراسه من قلب ماهو اليوم الكتاب فصلين مايجي عشر صفحات ومرتب وملخص لا ويحدد بعد المدرس ويحذف نصه ولا هم فالحين لا حول ولا قوة إلا بالله الباسل بقولك سر وأنا أخوك ولا تعلم أحد والله الظاهر مافيه إلا أنا وأنت في هالموضوع وش رايك تسير عليه وأفرد لك ألبوم الصور حق الشايب أللي جاب لي وتتفرج ولا تعلم أحد والله يا تبي تشوف صور يمكن أصحابها يغتالوني لو يدرووون إنها عندي تفطس ضحك التعديل الأخير تم بواسطة عبدالله الطوير ; 08-15-2011 الساعة 04:39 AM. سبب آخر: خثعه تم التعديل يا أهل الخثعات |
|
| |
|
| مواقع النشر (المفضلة) |
| الكلمات الدلالية (Tags) |
| ذكريات, شااااااااااايب, ؟ |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ذكريات الامـــس | ابو بدر | الـــشـعــر وأبــيــات الــقـصــيـد | 8 | 12-31-2010 01:19 PM |
| احلى ايام ايام الطفولة // اجمل ذكريات ذكريات الطفولة | مناي الجنه | ( مـلـتقـى الأعـضـاء ) | 85 | 08-31-2010 02:31 AM |
| راس مالى ذكريات | بسمه غطاها الحزن | الـــشـعــر وأبــيــات الــقـصــيـد | 5 | 05-06-2010 08:45 AM |
| يازهرتي هاذي بقايا ذكريات | اميرهـ | الــخـــواطـــر وعـــذب الـكــلام | 4 | 04-18-2010 02:01 AM |
العرض العادي
