حصريّاً.. هجير اللهفة

البارحة ماغطت العين بالنوم=لين الصباح ابدى مشاريق نوره
تصلى حشاي النار وافزّ واقوم=والمّ روحٍ هايمة وامهجورة
مما هجير اللهفة اموت محروم=الوِرد ضميا والحياض امْحضورة
لو للقلوب العاشقة شرع واسلوم=اوكان تِقبل للمحبين ثورة
ماكان مثلي يسهر االجرح مظلوم=والزمت من خطّ الجروح ابْحضوره
يامن عذابه بين الاضلاع مكتوم=وداريت عن لمح النواظر ظهوره
ماعاد يكفيني عن غْيابك اللوم=وانا لضحايا عهد الاحباب صورة
لوشفت دمعي كن بجفوني غْيوم=ارجي وفا وعدٍ عَثِرْت بْغروره
واللي قضيت البارح اعيده اليوم=وادور بدروب الشقا كل دورة
أنت الأمل.. والياس صوب لي اسْهوم=وتركتني لمواجهة كل جوره
امّا تعاهدني على ودّي اتْدوم=وانت الذي مثل النفس لي ضرورة
والاّ تخليني من الودّ مهزوم=اشوف موتي كل يومٍ وازوره

المصدر: منتديات قبيلة السويلمات الرسمية

رووووعه رووووعه


ابو طارق/


تغيب وماتجيب الا الثمين



**من الاعماق:اتمنى ان لاتحرمنا جديدك**